Joze Mourinyo ilə bağlı şayiələr səngimir.

"Football-plus.az" xəbər verir ki, onun mövsümün sonunda iş yerini tərk edəcəyi haqda iddialar var. Lakin portuqaliyalı mütəxəssis “Roma”da daha bir mövsüm çalışmaq qərarına gəlib. “Il Corriere dello Sport”un xəbərinə görə, Mourinyo beynəlxalq fasilə zamanı digər klublarının ona marağına baxmayaraq, 2024-cü ilin iyununa qədər İtaliya klubunda qalmağa qərar verib.

O, paytaxt komandasını 2021-ci ilin yayından çalışdırır. Baş məşqçinin klubla müqaviləsinin müddəti 2024-cü ilin iyununda sona çatacaq.