“Ağır oyun oldu. Yağış səbəbindən meydança sürüşkən idi. Ki, bu da oyuna təsir göstərirdi. Futbolçular topu saxlamaqda çətinlik çəkirdi. Rəqib qırmızı vərəqə alandan sonra oyunçularım tələsdi. Şükürlər olsun ki, son dəqiqələrdə istədiyimiz qolu vura bildik. Tələskənlik olmasa idi, daha erkən fərqlənə bilərdik. Yaxşı ki, fərqləndik və qələbə qazandıq. Ötən turda məğlub olsaq da, bu gün tam matça fokuslanmışdıq. Hər qarşılaşmaya fərdi hazırlaşırıq. Rəqib kim olur-olsun, bütün görüşlərə qələbə üçün çıxırıq. Bu gün də məqsədimiz nə olur-olsun, qalib gəlmək idi. 3 xal komandanı yenidən toparladı”.

“Qış “transfer pəncərəsi”ndə komandanı gücləndirmək niyyətindəyik. Heyətimizə 3-4 yeni futbolçu cəlb edəcəyik. Oyunçularımızın sayı nisbətən azdı. Yeni futbolçuların gəlişi işimizi rahatladacaq”.