“Zaqatala” Polşadan futbolçu transfer edib - AÇIQLAMA
Dünən 1-ci divizionda yeni mövsüm start götürdü.
15 komanda iştirak etdiyi çempionatın açılış tutunda 4 qarşılaşma keçirildi. Maraqlı oyunlardan biri də MOİK-lə "Zaqatala" arasında reallaşdı. Görüş “hərbçilər”in 2:0 hesablı qələbəsiylə başa çatdı.
"Football-plus.az" saytı olaraq "Zaqatala"nın baş məşqçisi Rüstəm Məmmədovun matçla bağlı fikrini öyrəndik:
"Oyunumuz yaxşı alınmadı. Birinci hissədə, ümumiyyətlə, zəif oynadıq. Fasilədən sonra isə bir az toparlanaraq yaradıcı oyun sərgiləyə bildik. Məğlubiyyətin səbəbi çoxdu. Üç futbolçumuz qızdırma ikisi zədə, biri isə qırmızı vərəqə cəzalısı olduğuna görə matçı buraxırdı. Hər biri əsas heyət üzvüdü. İştirak ərizəmizə daha bir futbolçu əlavə etmək istəyirdik ki, bunu da çatdıra bilmədik. Söhbət Polşanın aşağı liqasında çıxış edən Nazim Bağırovdan gedir. Bəzi sənədlərdə problem oldu. Düşünürəm ki, növbəti oyuna kimi onu komandaya cəlb edə biləcəyik. Heyətimiz kasaddı. Həmçinin istədiyimiz təlim-məşq toplanışını keçə bilmədiyimizə förə komandanı tam komplektləşdirə bilmədik. Ən azı 2-3 tur əziyyət çəkəcəyik".
ABDULLA İSMAYILOĞLU
Digər xəbərlər
