"Bəlkə də çempionatda 1-ci hissədəki ən yaxşı oyunumuzu keçirdik. Hakimin start fitindən meydanda xarakter göstərdik. Erkən qol buraxdıq, amma həvəsdən düşmədik, irəli atıldıq və “status-kvo”nu bərpa etdik. Fasilədən sonra üstün oyun nümayiş etdirmək istəyirdik. Amma qapıçımız Müşfiq Nadirovun 51-ci dəqiqədə “qırmızı” alması işimizi çətinə saldı. Buna rəğmən, “müdafiədə oturmadıq”, vaxt uzatmadıq, meydanda yıxılmadıq, uzanmadıq. Deməyim odu ki, məqsədimiz Bakıdan 1 xalla ayrılmaq yox, üstün oyunla qələbə qazanmaq idi. Azlıqda olsaq da, döyüşdük. Amma bir ani səhv qapımıza 2-ci qolun vurulmasıyla nəticələndi. Məğlub olsaq da, yetirmələrimin oyunundan razı qaldım. Çempionatın əvvəlindən indiyə kimi oyun planında inkişaf var. Hazırda bunu bir qədər də “artırmaq” və maksimum xallar qazanmaq lazımdı".

"İstər kubok, istər ötən tur, istəsə də MOİK-lə oyun olsun - futbolçularımızın qırmızı vərəqə alamasını istəmızdik. Bu məsələni ciddi şəkildə araşdırırıq. "Hərbçilər"lə qarşılaşmanı çıxsaq, 2 oyuna 4 futbolçumuzun “qırmızı” görməsi birbaşa oyun epizoduyla bağlı olmayıb. Bu barədə əvvəl də geniş danışmışam. MOİK ilə oyun ərəfəsində futbolçularımı tənbeh etmişdim ki, maksimum intizamlı olsunlar. Sadəcə, qapıçımızın topa reaksiyası gecikdi. Nəticədə qayda pozuntusuna yol verdi. Bu da onun təcrübəsizliyindən qaynaqlanır”.