"Bu görüşdə qələbə bizə hava-su kimi lazım idi. Çoxdan qalib gəlmirdik. Meydanın mərkəzi yaxşı oyun sərgiləməyimizə imkan vermirdi. Lakin 90 dəqiqə gərgin mübarizə şəraitində keçdi. "Mingəçevir" də sona kimi vuruşdu. Bu oyunda kim qol vursa, o da qələbə qazanacaqdı. Bu gün şans bizim tərəfimizdə oldu. Lazım olan qolu vuraraq qələbə qazandıq. Hamı meydanda can qoydu. Uşaqları təbrik edirəm. Hər kəs qələbə qazanmaq üçün əlindən gələni etdi. "İmişli"yə məğlubiyyətdən sonra hər şey bizim üçün yenidən başladı. Azarkeşlərimiz bizdən incidi. Onlar düşünürdülər ki, məğlubiyyət seriyası davam edəcək. Komandaya inam yox idi. Bizdə maddi və uyğunlaşma problemi var. "Zaqatala"nın oyunlarını izləyənlər bilir ki, komandada inkişaf var. Bu gün qələbə qazandıq. Bunu davam etdirmək istəyirik. Məqsədimiz 1-ci liqada yüksək pillələrdə qərarlaşmaqdı".