“Bu gün baş məşqçi dəyişikliyi haqda düşünmürük. Klub rəhbərliyi olaraq, əsaslı məqsədimiz uşaq futbolunu inkişaf etdirmək və infrastrukturu normal hala salmaqdı. Komandanın əsas hədəfi 1-ci liqada qalmaqdı. Bu gün iddialı məşqçi gətirmək üçün yaxşı komanda formalaşdırmaq lazımdı. Heyəti güclü futbolçularla təkmilləşdirmək potensialındayıq. Lakin buna nə gərək var?! İnfrastruktur yerində olmayandan sonra premyer-liqa üçün lisenziya verilməyəcəksə, niyə iddialı komanda formalaşdıraq? Belə problemlər yaşamaq istəmirik. Bu səbəbdən də uşaq futbolunu inkişaf etdirmək, infrastrukturu qaydasına salmaq istəyirik. Bilirsiz ki, əlavə meydançanın təmiri müəyyən səbəblərdən yarımçıq qalıb. Onu yekunlaşdırmaq istəyirik. Sponsorlarla danışıqlar gedir. Düzdü, əməkdaşlıq etdiyimiz şirkətlər var. Amma əsas sponsor axtarışındayıq. İnşallah, tapsaq, ona uyğun da iş görərik. Bu səbəbdən də baş məşqçi dəyişikliyinə ehtiyac yoxdu. Ramiz Məmmədov futbol üçün böyük şəxsdi. Müxtəlif komandalarda yaxşı nəticələr əldə edib. Lakin bu gün onunla bağlı hansısa planımız yoxdu”.