"Düşünürəm ki, havanın soyuq olması "Qarabağ"ın oyununa təsir edəcək. Nəzərə alaq ki, meydanın vəziyyəti də o qədər yaxşı olmayacaq. Amma "Qarabağ" bu görüşdə sərfəli nəticə əldə etməlidi. İnanıram ki, Qurban Qurbanovun komandası bunu bacaracaq. "Qarabağ" orda məşqə çıxmayacaq. Bəziləri deyə bilər ki, gərək şəraitə alışmaqdan ötrü bir qədər tez gedəydilər. Bu, səhv yanaşmadı. Hava şəraitinə alışmaq üçün ora gərək bir həftə əvvəl gedəsən. Buna vaxt var? Yox! Qurtardı-getdi. Bu səbəbdən məşqçilər korpusu düşünüb ki, orda məşqə ehtiyac yoxdu. Bir var soyuq yavaş-yavaş təsir etsin, bir də var birdən. Yavaş-yavaş təsir etməsi üçün azı 3-4 gün orda qalmalısan. "Qarabağ" Moldeyə gedəcək, axşam yatıb, səhər oyuna çıxacaq. Belə daha yaxşıdı".

"Ümid edirəm ki, komandamız sərfəli nəticə qazanacaq. Heç-heçə də bizə sərf edir. Amma mən görməmişəm ki, "Qarabağ" bunun üçün meydana çıxsın. Ağdamlıların öz oyun tərzi var. Həmişə meydana qələbə üçün çıxırlar. Moldedə də belə olacaq".