Konfrans Liqasının pley-offunun "Qarabağ" - "Gent" matçını 25452 nəfər izlədi. Lakin mediaya verilən rəsmi açıqlamada 27 minə yaxın biletin satıldığı deyilmişdi.
Görəsən, nə üçün oyuna az adam gəlib? Matç günü havanın soyuq olması azarkeş sayına təsir edib, yoxsa biletlər baha olduğu üçün fanatlar görüşə maraq göstərməyib?
Suallarımızı klubun mətbuat xidmətinin rəhbəri Gündüz Abbaszadə belə cavabladı:
"Bəli, 27 minə yaxın bilet satılmışdı. Söhbət qiymətin baha olmasından getmir. Məncə, bilet alıb oyuna gəlməyənlər də oldu. Havanın soyuq olması buna təsir etdi. Ola bilsin, rəqib amili də stadionun dolmasını əngəllədi".
İLKİN SULTANLI