Mövsümə yaxşı başlayan son çempion “Qalatasaray”ın bəzi oyunçuları ilə bağlı maraqlı xəbərlər var.

“Football-plus.az” xəbər verir ki, bu mövsüm performansı ilə Okan Burukun vazkeçilməz isimlərindən olan və Avropa klublarının diqqətini cəlb edən Saşa Boeyə rəhbərlik yeni müqavilə təklif edib. Amma 23 yaşlı cinah müdafiəçisi bir qədər düşündükdən sonra gözlənilmədən təklifi geri çevirib. İstedadlı futbolçunun indiki müqaviləsi 2025-ci ilə qədər nəzərdə tutulub. Boe hazırda illik 480 min avro qazanır və komandada ən az maaş alan legionerdi. “Cim-Bom” onun müqaviləsini 2027-ci ilə qədər yeniləmək istəyir. Bunun qarşılığında fransalı oyunçuya illik 2 milyon avroluq maaş təklif olunub. Amma eyni zamanda rəhbərlik müqavilədəki təzminat maddəsinin də artırılmasını istəyib. Boe buna razılıq verməyib. Üstəlik klubdan illik 2,5 milyon avro tələb edib. Bu üzdən danışıqların ilkin mərhələsində razılıq əldə olunmayıb. Amma qarşıdakı dönəmdə tərəflər arasında daha bir görüşün keçiriləcəyi gözlənilir. Daha öncə bu oyunçuya “Arsenal” və “Brayton”un maraq göstərdiyi iddia edilmişdi. Son xəbərlər də bu klubların arasına “Qalatasaray”ın ÇL-dəki rəqiblərindən olan “Mançester Yunayted”in də qoşulduğu deyilir. Ötən mövsüm iştirak etdiyi 33 rəsmi oyunun 32-də start heyətində meydana çıxan Boe bu mövsüm 20 rəsmi oyunun hamısında “11-lik”də meydana çıxıb və 1 qol, 4 məhsuldar ötürmə ilə fərqlənib.

Digər xəbər Tete ilə bağlıdı. Mövsümün əvvəlində azad agent statusu ilə transfer edilən bu futbolçuya görə “Qalatasaray” problem yaşaya bilər. Çünki “Şaxtyor” Tetenin müqaviləni birtərəfli qaydada pozaraq ayrılmasına görə həm futbolçudan, həm də “sarı-qırmızılar”dan FİFA-ya şikayət edib. Donetsklilər 150 milyon avro təzminat tələb edirlər! Düzdü, “Qalatasaray”ın hüquqçuları bu transferdə hüquqi cəhətdən problem olmadığını iddia edirlər. İki klub arasındakı anlaşmazlıq FİFA-da həllini tapacaq. Türkiyə mətbuatının yazdığına görə “Qalatasaray” təzminat olayının kluba daha çox ziyan vurmaması üçün qışda Teteyə görə gələn təklifləri dəyərləndirə bilər. “Sambaçı”ya əsasə Səudiyyə Ərəbistanı klubları maraq göstərir. İstanbul nəhəngi bu satışdan ciddi gəlir əldə etməyi planlaşdırır. Komandanı gücləndirəcəyi gözlənilən, amma əvəzində ümidləri doğrultmayaraq Okan Burukun əsas başağrısına çevrilən Anxelinyonun durumu da qeyri-müəyyəndi. Bilindiyi kimi, “Qalatasaray” yayda bu futbolçunu 1,5 milyon avroya “Leyptsiq”dən icarəyə götürmüşdü. O, 20 rəsmi oyuna çıxacağı təqdirdə “Cim-Bom” almanlara əlavə 6 milyon avro ödəməli və ispaniyalı ilə daimi əsasda müqavilə imzalamalıdı. Amma istanbullular bu məbləği ödəmək istəmir! Anxelinyo artıq 17 rəsmi oyun keçirib. “Qalatasaray” rəhbərliyi “Leyptsiq”ə müqavilədəki maddənin götürülməsi üçün müraciət etsə də, qarşı tərəf bu təklifi rədd edib. Bu gedişlə 26 yaşlı futbolçu ilə qışda yollar ayrıla bilər. Ona “Verder” ciddi maraq göstərir. “Musiqiçilər” “Leyptsiq”lə danışıqlara başlayıblar.

Qeyd edək ki, 17 rəsmi oyunda 1 qol, 1 məhsuldar ötürməlik performans sərgiləyən Anxelinyonun illik qazancı 2,3 milyon avrodu.