"Əvvəlcə bizi xoş qarşıladıqları üçün "Baxçaşəhər" rəhbərliyinə təşəkkür edirik. Əla salonda oynadıq. Matça gəlincə, ilk hissədə rəqibin “üçlük” atışlarının 60 faizindən çoxu dəqiq oldu. Təəssüf ki, belə məqamlarda bəxt onların tərəfində idi. Amma bizim də oyunçularmız böyük fasilədən sonra əzmkarlıq göstərdi. Düzdü, qrupda bir oyunumuz qalıb, şansımız yoxdu, lakin bu mövsüm "Sabah" olaraq, böyük təcrübə qazandıq. Mən əvvəldən də demişdim ki, Türkiyə təmsilçisi qrup lideri olacaq. Belə də oldu. Qürür duyuruq ki, tarix yazaraq FİBA Avropa Kubokunun əsas mərhələsinə vəsiqə qazandıq, ölkəmizi təmsil etməyi bacardıq. İstəyirəm ki, ölkə basketbolunun reytinqi yüksəlsin və qarşıdakı illərdə bir neçə klubla avrokuboklarda təmsil olunaq".