“Hücumda oyunumuzu tam göstərə bilmədik. Yalnız 3-cü çeyrəyin sonunda və 4-cü çeyrəkdə özümüzə gələ bildik. Daha sonra hakimlərin qərarları oyunumuza təsir etdi. Oyunçumuz Desmond Ronald gülməli səbəbdən meydandan atıldı. Belə ki, müdafiə olunduğunn zaman rəqibin üzərinə qaçanda “top-top” qışqırırsan ki, komanda yoldaşların sənin orda olduğunu bilsin. Lakin referi bu qışqırığa görə ona ikinci texniki qayda pozuntusu verdi və Desmondu meydandan kənarlaşdırdı. Bu da görüşün əvvəlində olduğu üçün bizə təsir etdi. Qalib gəlmək şanslarımız var idi, lakin bəxtimiz gətirmədi. Bu basketboldu. Hər şey ola bilər. İndi növbəti turda evdə güclü “Baxçaşəhər” ilə oynayacağıq. Düzdü, türklər də dünən öz meydanında gözlənilmədən bir top fərqi ilə “Nimburk”a uduzdu. İndi iki komandanın xalı yoxdu. Buna görə də maraqlı oyun keçəcək. Çalışacağıq ki, azarkeşlərimizin önündə yaxşı nəticə göstərək və tarixi qələbə qazanaq”.