“Sabah” basketbol klubu FİBA Avropa Kubokunun müntəzəm mövsümündə növbəti oyununu keçirib.

"Football-plus.az" xəbər verir ki, təmsilçimiz 5-ci matçında Türkiyə klubu “Baxçaşəhər”in qonağı olub.

İstanbuldakı Ülkər İdman Zalında təşkil olunan görüş rəqibin qələbəsi ilə yekunlaşıb - 99:80 (29:15, 33:17, 20:21, 17:27). Dünən bu qrupda keçirilən digər oyunda “Mornar” evdə “Nimburk”a uduzub – 76:97 (15:22, 20:23, 19:28, 22:24). Komandamız qrupdakı son oyununu noyabrın 22-də Bakıda Çexiya “Nimburk”una qarşı keçirəcək.
Qeyd edək ki, “Sabah” qrupda keçirdiyi 4 oyunun 3-də məğlub olub, 1-də qələbə qazanıb. Ölkə çempionu “Baxçaşəhər”lə Bakıda keçirdiyi matçda rəqibinə 65:83 hesabı ilə uduzub. “Sabah” hazırda 5 xalla D qrupunda üçüncü pillədə qərarlaşıb.
1. Nimburk 5 4 1 450-383 9
2. Baxçaşəhər 5 4 1 444-396 9
3. Mornar 5 1 4 363-409 6
4. Sabah 5 1 3 362-431 6