“İnanıram ki, bu mərhələni keçə biləcəyik” – “Avarka”nı bitirdik?
Qadın voleybolçulardan ibarət "Azərreyl" komandası Çağırış kubokunun 1/16 final mərhələsinin ilk oyununda İspaniya "Avarka de Menorka"sını Bakıda məğlub etməyi bacardı - 3:1 (23:25, 25:15, 25:19, 25:23).
"Dəmiryolçular"ın rumıniyalı ulduzu Ana-Mariya Berdila bu qələbə ilə bağlı fikirlərini "Football-plus.az" saytı ilə bölüşdü:
"Menorka" ilə oyun sübut etdi ki, güc, mübarizə, qətiyyət və komanda ruhumuz var. Biz hər kəsə pis anlarda belə daha yaxşı, güclü, olduğumuzu göstərdik. Məşqçilər heyətinin verdiyi taktikaya əməl etdiyimiz halda həmişə qələbə qazanacağıq. İnanıram ki, bu mərhələni keçə biləcəyik".
30 yaşlı hücumçu öz çıxışı barədə suala isə belə cavab verdi:
"Mən obyektiv insanam və öz çıxışım barədə nəsə deyə bilmərəm. Əldə etdiyimiz qələbədə bütün oyunçuların əməyi var. Turniri qazanıb-qazanmayacağımız haqda danışmaq üçün isə hələ tezdi".
CAVİD ƏLİYEV
Digər xəbərlər
