"Düşünürəm ki, "Menorka"ya qalib gəlmək üçün yetərincə şansımız var” – “Azərreyl”in gənc ulduzu
"Azərreyl" Çağırış kubokunun 1/16 finalında İspaniya təmsilçisi "Avarka de Menorka" ilə qarşılaşacaq.
Bu oyunla bağlı "dəmiryolçular"ın gənc ulduzu Raziyə Əliyeva fikirlərini "Football-plus.az" saytı ilə bölüşdü:
"Düşünürəm ki, "Menorka"ya qalib gəlmək üçün yetərincə şansımız var. Təbii ki, rəqibin oyunlarını izləyir, məlumat öyrənirik. Biz bu komandanın necə oynadığını təxminən bilirik və qələbə üçün əlimizdən gələni etməyə çalışacağıq. Hədəfimiz bu turnirdə çempion olmaqdı. Rəqibin heyətində Marsella Amaral çox təhlükəli və sürətli oynayır. O, bizim üçün oyunu bir az çətinləşdirəcək".
Xatırladaq ki, Azərbaycan çempionu “Avarka de Menorka” ilə ilk oyunu noyabrın 9-da Bakıda keçirəcək. Voleybol Mərkəzində keçiriləcək qarşılaşma saat 19.00-da start götürəcək. Cavab görüşü noyabrın 15-nə təsadüf edəcək və Bakı vaxtı ilə saat 22.00-da başlayacaq.
CAVİD ƏLİYEV
Digər xəbərlər
