“Çıxış etdiyimiz turnirlərdə sona kimi getmək niyyətindəyik" - "Azərreyl"in ulduzu dedi
"Azərreyl" Çağırış kubokunun 1/32 final mərhələsinin hər iki görüşündə Ukrayna təmsilçisi "Balta"nı eyni hesabla (3:0; 0:3) məğlub edərək 1/16 finalda oynamaq hüququ qazandı.
Oyunla bağlı "dəmiryolçular"ın gənc ulduzu Raziyə Əliyeva fikirlərini "Football-plus.az"la bölüşdü:
"Əslində birinci set yaxşı keçmirdik, lakin sonra toparlana bildik. Bu da komandada ab-havanın yaxşı olması ilə bağlı idi. Qızların hamısı bir-birinə meydanda çox dəstək oldu”.
22 yaşlı toppaylayıcı öz çıxışı ilə bağlı da fikirlərini bildirdi:
"İlk dəfə belə turnirdə çıxış etdim. Bir az həyacan var idi. Amma çox şükür ki, bunu meydanda hiss elətdirmədim".
Əliyeva növbəti mərhələdə qarşılaşacaqları İspaniya təmsilçisi"Avarka de Menorka" haqda da bunları söylədi:
"Bəli, rəqibimiz ispanlardı. Onlara qarşı çox ciddi hazırlaşacağıq. Əsas məqsədimiz avrokuboklarda finala vəsiqə qazanmaqdı. "Azərreyl" həmişə yüksək yerlər üçün mübarizə aparan kollektiv olub. Çıxış etdiyimiz bütün turnirlərdə sona kimi getmək niyyətindəyik".
CAVİD ƏLİYEV
Digər xəbərlər
