“Sizin komandanın heyətində Pilepiç diqqətimi çəkdi”
Bildiyiniz kimi, "Azərreyl" Çağırış kubokunun 1/32 finalında Ukrayna "Balta"sına hər iki görüşdə qalib gələrək növbəti mərhələyə vəsiqə qazandı.
"Dəmiryolçular"ın bu mərhələdəki rəqibi İspaniya təmsilçisi "Avarka de Menorka"dı. Rəqibin ukraynalı toppaylayıcısı Yelizaveta Lazurenko dünən "Football-plus.az"a eksklüziv açıqlama verdi:
"Hələ ki "Azərreyl"in oyununu təhlil etməmişik. Çünki bundan əvvəl İspaniya çempionatında iki vacib görüşümüz var. Amma mən "Balta" ilə hər iki matça baxmışam. Düşünürəm ki, Bakı təmsilçisi layiqli qələbə qazandı. Lakin komandama güvənirəm. Mərhələni keçə bilərik. Ancaq bu bir az çətin olacaq. Sizin komandanın heyətində Katarina Pilepiç diqqətimi çəkdi, çox güclü oyunçudu".
Azərbaycan çempionu “Avarka de Menorka” ilə ilk oyunu noyabrın 9-da Bakıda keçirəcək. Voleybol Mərkəzində təşkil olunacaq qarşılaşma saat 19.00-da start götürəcək. Cavab görüşü noyabrın 15-nə təsadüf edəcək və Bakı vaxtı ilə saat 22.00-da başlayacaq.
CAVİD ƏLİYEV
Digər xəbərlər
