Bu gün "Qarabağ" Tofiq Bəhramov adına Respublika stadionunda "Bayer-04"lə qarşılaşacaq.

Oyunu İngiltərə Futbol Federasiyasından Kreyq Pouson idarə edəcək. Ona həmyerliləri Simon Bennett və Lee Betts köməklik göstərəcək. Dördüncü hakim funksiyasını Con Brooks yerinə yetirəcək.

Kreyq Pouson kimdi?
"Football-plus.az" xəbər verir ki, 44 yaşı referi 2015-ci ildən beynəlxalq qarşılaşmaları idarə edir. Onu İngiltərədə premyer-liqa oyunlarlarında görmək mümkündü. Burda indiyə qədər 235 matçda meydana çıxan ədalət təmsilçisi 864 sarı, 35 qırmızı vərəqə göstərib.

Beynəlxalq təyinatlarının əsasını isə Avropa Liqasının oyunları təşkil edir. O, 20 dəfə bu turnirdə oyun idarə edib. Bundan başqa, Dünya çempionatı, Çempionlar Liqası, Konfrans Liqası və Gənclər Liqası, həmçinin, 19 və 21 yaşadək futbolçular arasında Avropa çempionatının seçmə mərhələsində ədaləti qoruyub.
İngiltərəli hakim ikinci dəfə Bakıya, üçüncü dəfə Azərbaycana gəlir. Onun ilk səfəri ötən mövsüm keçirilən "Qarabağ" - "Olimpiakos" (Yunanıstan) oyununa (0:0) təsadüf edib. Daha öncə isə "Qəbələ" - "Panatinaikos" (Yunanıstan) matçında iş başında olub. Avropa Liqasının 3-cü təsnifat mərhələsində "qırmızı-qaralar"ın cavab matçını idarə edən Pouson sözügedən oyun üçün düşərsiz olub - 1:2. "Qarabağ" üçün isə şans hələ var...

Ümumiyyətlə, o, indiyə qədər 532 görüşün ədalət təmsilçisi olub. Bu oyunlarda 1857 sarı, 81 qırmızı vərəqə üçün əlini cibinə salıb.

KƏNAN BAHADIR