Çalımbay Burak Yılmazın atmacasına sərt cavab verdi
Türkiyənin tanınmış məşqçilərindən olan Rza Çalımbay Burak Yılmazın son açıqlamasına cavab verib.
Futbolçu kimi ''Beşiktaş''ın əfsanələrindən sayılan Çalımbay yaydan bu yana işsizdi. O, bir neçə dəfə ''Beşiktaş''ı çalışdırmağa hazır olduğunu, amma təklif almadığını vurğulayıb. Şenol Günəşin istefasından bu yana İstanbul nəhəngini müvəqqəti olaraq Burak Yılmaz çalışdırır. O, ən azı dekabrın 3-də keçiriləcək prezident seçkilərinə qədər bu vəzifəni icra edəcək. Ən son ''Antalyaspor''a məğlubiyyətin ardından Burak bəzi məşqçilərin özlərini durmadan ''Beşiktaş''a təklif etməsini tənqid edərək ''bəzi böyüklərimiz bu vəzifəyə göz dikiblər. Hər gün efirlərə çıxıb danışırlar. Təbii ki, biz də bunları eşidirik. Amma fikir verməməyə çalışırıq'' açıqlamasını vermişdi. Onun bu sözünü Çalımbay üzərinə götürüb və Buraka dərhal sərt şəkildə cavab verib:
''Burak bu açıqlamanı verərkən məni nəzərdə tutursa, düzgün eləmir! Burak mənim də başçılığım altında oynayıb və məni gözəl tanıyır. Mən heç vaxt heç kimdən heç nə istəməmişəm. Zorla mənə iş verilməsini tələb etməmişəm. Mənim ümumiyyətlə baş məşqçisi olan klubla işim olmaz. Elə şeylərə qarışmıram. Şenol Günəşin ayrılmasından sonra belə bir ehtiyac yarandığı üçün bir çox məşqçinin adı hallanmağa başladı. Mənim, Sərgən Yalçının, Samet Aybabanın, Tudorun, yəni bir çox məşqçinin adı hallandı. Jurnalistlər bu mövzuda bizimlə danışmaq istəyərkən, təbii ki, biz də cavab verməli oluruq. Ən çox da mənim adım hallandığı üçün mətbuat nümayəndələri tez-tez mənimlə əlaqə saxlayır. Dediyim kimi Burakın fikirləri ilə razı deyiləm. Çox uğursuz bir açıqlama verib. Heç kimin ''Beşiktaş''ın böyüklərinə, bu camiə üçün əmək vermiş insanlara söz atmağa haqqı yoxdu!''
ƏLİ
Digər xəbərlər
