“Finiks Merkuri”nin amerikalı basketbolçusu Brittni Qrayner bu ölkənin yığmasının toplanışına dəvət olunub.

"Football-plus.az" xəbər verir ki, karyerasının müəyyən dönəmi Rusiya ilə bağlı olan ulduz 2021-ci ildə keçirilən Tokio Olimpaidasından bəri ilk dəfə yığmanın düşərgəsində görünəcək. ABŞ yığması noyabrın 5-də Tennessi Universitetinin, 12-də isə Dyuk Universitetinin komandası ilə yoldaşlıq oyunu keçirəcək.

33 yaşlı Qrayner fevralda “Finiks”lə müqavilə bağlayıb. Bu, onun Rusiya həbsxanasından qurtulandan sonra imzaladığı ilk müqavilədi.

Xatırladaq ki, ikiqat olimpiya çempionu Rusiyada qaçalmalçılıq ittihamı ilə 9 il həbs cəzası almış və 1 milyon rubl cərimələnmişdi. Qrayner ötən ilin dekabrında dəyiş-düyüş nəticəsində vətəninə qayıda bildi.