Qadın MBA-sı, yəni WNBA basketbolçularının Rusiya klubları ilə müqavilə bağlamasına şifahi qadağa qoyub. Bu qadağa ABŞ-da siyasi məhbus sayılan ikiqat olimpiya çempionu Brittni Qrayner üzərində qurulan məhkəmə ilə bağlıdı. Qraynerlə yanaşı, ötən mövsüm bir çox başqa ulduz da həm qadın MBA-sında, həm də Rusiyada çıxış edib. Bunlar Elli Kuiqli, Emma Messeman, Conkvel Cons, Nataşa Hovard, Epifanni Prins, Azurey Stivens və Tayaşa Harrisdi.
Adətən, mayın sonundan oktyabrın ortalarına qədər davam edən qısa mövsümdən sonra qadın MBA-sının ulduzları Avropaya üz tutaraq Rusiya, Türkiyə, İspaniya, Polşa, İsrail klublarının heyətində çıxış edirlər. Qadın basketbolçular Avropada dəfələrlə artıq qazanırlar.
Xatırladaq ki, ikiqat olimpiya çempionu Qrayner fevralın 17-də “Şeremetyevo” hava limanında saxlanılıb. Amerikalı basketbolçu narkotik qaçaqmalçılığında və onun qeyri-qanuni daşınmasında suçlanır. İki maddədən biri 5 ildən 10 ilə qədər həbs cəzası, o biri isə cərimə və ya 3 il həbs cəzası nəzərdə tutur. Qrayner ötən həftə günahını boynuna alsa da, onu da vurğulayıb ki, cinayət etmək fikri olmayıb, tələsik yır-yığış zamanı səhv edib.