“Büdcəsi bizdən 10 dəfə artıq olan komanda güclü olduğunu göstərdi”
“Sabah” Fiba Avropa Kubokunun müntəzəm mövsümündə “Baxçaşəhər”i qəbul edib - 65:83.
“Football-plus.az” xəbər verir ki, matçdan sonra təmsilçimizin çalışdırıcısı Boban Mitevin mətbuat konfransı keçirilib. Sizi onun fikirləri ilə tanış edirik:
“İlk öncə klub rəhbərliyi və Azərbaycan xalqından üzr istəyirəm. Təbii ki, büdcəsi bizdən 10 dəfə artıq olan komanda güclü olduğunu göstərdi. İlk çeyrəkdə səhvlərimiz oldu və rəqib bu səhvlərdən 47 xal qazandı. 4-cü çeyrəkdə fərqi azaltdıq. Yekunda 20 xal fərqlə məğlub olduq. Amma bu real nəticəni əks etdirmir. Məğlubiyyətin səbəblərini araşdıracağıq”.
- Növbəti mərhələ üçün şanslar nə qədərdi?
- Biz Şimali Makedoniyaya gedəndə inanırdız ki, hazırda bu mərhələdə çıxış edəcəyik? Sualınızın cavabı budu. Heç kim bura qədər gələcəyimizə inanmırdı. Lakin hazırda qruplardayıq. Məqsədimiz ən azı 2 qələbə qazanmaqdı. Allah kömək olsa, növbəti mərhələyə yüksələ bilərik. Əlbəttə, mən də istəyirəm ki, mərhələni adlayaq, yeni səfərlər yaşayaq. Eyni zamanda yerli oyunçular haqda da düşünürük. Endər Poladxanlı mədə virusundan əziyyət çəkir. Şirzad Şirzadova bu gün oyun şansı verdik.
- “Sabah”ın buralara gələcəyinə heç kəs inanmırdı. Amma özünüz matçlarda çox emosiyalı olursuz. Məncə, siz növbəti mərhələ haqda düşünürsüz.
- Bura Azərbaycanda rəqabətcil komanda formalaşdırmağa gəlmişik. Düşünün ki, komandanın şəxsi fitness zalı yoxdu. Bu olsa, təbii ki, ölkə basketboluna daha çox töhfə verərik. Allah qoysa, gələcəkdə milli B divizionunda çıxış edər. Təbii ki, bu mənim qarşıma qoyulan çağırışdı. Klub 2 ildi yaranıb. 10-15 il ərzində tək “Sabah” yox, bütün ölkə komandaları daha böyük uğur qazana bilər.
- “Sabah”da olan yerlilərdən hansını fərqləndirirsiz?
- Endər Poladxanlı və Şirzad Şirzadov. Hər ikisindən razıyam. Şirzad 10-15 dəqiqə oynayır. Getdikcə ona daha çox şans verirəm ki, milliyə fayda versin. Rüstəm Əliyevin oyun praktikası çox yoxdu. Bu üzdən ona şans verə bilmirəm.
İSMAYIL XEYRULLAYEV
Digər xəbərlər
