"FIFA reytinqində 89-cu pillədədilər, bizdən 40 pillə irəlidə"
Sabah millimiz yoldaşlıq matçında İordaniya ilə qarşılaşacaq.
"Football-plus.az" xəbər verir ki, oyundan öncə yığmamızın çalışdırıcısı Canni De Byazinin mətbuat konfransı keçirilib. Sizi onun fikirləri ilə tanış edirik:
"Belçikaya qarşı yaxşı oynamışdıq. Sabah bütün fokusumuz İordaniyaya qarşıdı. Onların kağız üzərində böyük adı olmaya bilər, amma yaxşı komandadı. Rəqibin yaxşı oyunlarını görmüşəm. Sürətli komandadı".
- Belçika ilə oyuna yəqin ki, yenidən baxmısız. Sizcə, nələri səhv etmisiz?
- Ona görə uduzduq ki, rəqibimiz güclü idi. Onlar yaradılan bir şansdan istifadə etdilər. O qolu buraxmamaq da olardı. Amma düzgün reaksiya verdik, yaxşı oynadıq. Uşaqlardan razı qaldım. Start heyətində olanlar da, sonradan meydana daxil olanlar da yaxşı oynadı. Səsim bir az batıb, danışa bilmirəm. Sabah bizi vacib test gözləyir. Oktyabrdakı rəsmi matçdan əvvəl son testdi. Uşaqlar ciddi yanaşmalıdı. Oktyabrda kimin siyahıda olacağı sabahdan asılıdı.
- İordaniya nə dünyanın, nə də Asiyanın güclü komandasıdı. Bu komanda ilə oyun millimizə nə qazandıracaq? Daha güclü komanda ilə oynamaq, daha güclü rəqib seçmək olmazdı?
- İordaniya çox yaxşı komandadı, FIFA reytinqində 89-cu pillədədilər, bizdən 40 pillə irəlidə. Serbiya ilə matçın sonunda hesabda 2:1 öndə idilər, 2:3 uduzdular.
- Amma Norveç millisi onlara 6:0 hesabı ilə qalib gəlib...
- Ola bilər Norveç bizdən güclüdür, onlardan da.
Digər xəbərlər
