“Şaxtyor” rəhbərliyi baş məşqçi Patrik van Leuveni istefaya göndərib.

Ukrayna klubunun saytının məlumatına görə, niderlandlı mütəxəssislə birlikdə onun bütün köməkçiləri komandanı tərk ediblər. 54 yaşlı Leuven “Şaxtyor”a bu ilin iyulunda baş məşqçi təyin olunmuşdu.

Komanda onun rəhbərliyi altında 12 rəsmi oyuna çıxıb. Donetsk təmsilçisi hazırda Ukrayna çempionatında 9 oyuna 18 xalla 3-cü yeri tutur.