“Mən real danışacam. Biz həm İspaniyadan, həm də Şimali Makedoniyadan zəifik. Lakin bir məsələ də var ki, rəqiblər tez-tez oyunlar keçirir və oyunçular bir-birini yaxşı tanıyır. Ancaq biz bir həftə ərzində toplanış keçdik. Belə də turnirə yollandıq. Məncə, hər oyunçu qalib gəlmək istəyər. İspaniya ilə oyunun ilk hissəsi 7:10 başa çatdı. Bu komanda adına yaxşı haldı. Ancaq ikinci yarıda göründü ki, biz onlardan fiziki cəhətdən çox zəifik. Bu da rəqibin hazırlıqlı olmasından xəbər verir”.

“2017-ci ildə İslam Oyunlarında birinci yeri tutduq. 2021-də isə ikinci yeri qazanmaqla özümüzü təsdiqlədik. Lakin təəssüf ki, ölkə həndbolunu Avropada təmsil edə bilmirik. İndi nazirlik tərəfindən də bu idman növünə böyük dəstək var. Seleksiya işləri aparılır, yeni komandalar yaranır. Düşünürəm ki, qarşıdakı illərdə Azərbaycan həndbolu yaxşı nəticələr əldə edəcək. Məşqçilərimiz də bunun üçün çalışır”.