Uğurlu oyunlar seriyası ilə qrupda liderliyi ələ alan Albaniya yığması 8-ci turda meydana çıxmasa da, istənilən halda mövqeyini itirməyəcəkdi.

“Football-plus.az” xəbər verir ki, başqa sözlə, Polşa, Çexiya və Moldova bu turda AÇ-2024-ün final mərhələsinə vəsiqə qazanmaq şansını davam etdirməyə çalışacaqdı.

Tura 9 xalla 2-ci yerdə başlayan Polşa evdə Moldovanı məğlub etməklə potensial rəqiblərindən birinin şansını azalda bilərdi. Xatırladaq ki, oktyabrın 12-də Farer adaları ilə səfər matçında 2:0 hesabıyla qalib gələn polşalıların yeni baş məşqçisi Mixal Probyerzin debütü uğurlu alınmışdı. 51 yaşlı mütəxəssis Moldova ilə oyundan əvvəl bir sıra aparıcı oyunçulara az-çox itirahət verməyi lazım bilmişdi. Onun komandası evdə qalib gələcəyi halda 2-ci yerdə qalacaqdı. Lakin Varşavada keçirilən matçın ssenarisi heç də meydan sahiblərinin istədiyi kimi alınmadı. İlk hissənin ortalarında qonaqlar hesabı açmağa nail oldular. Ev sahibləri buna 52-ci dəqiqədə cavab verdilər. Probyerz qalan vaxtda əvəzləmələrlə komandasının oyununu gücləndirməyi bacarsa da, Polşa üstünlüklərindən yararlana bilmədi. Sərt və bəzən də kobud oyun ilə daha çox yadda qalan Moldova yığması evə sərfəli nəticə ilə döndü. İki xal itkisi Polşanın 2-ci yeri itirməsinə səbəb oldu.
Ona görə ki, Çexiya evdə Farer adalarından gözlənilən 3 xalı ala bildi. Amma qələbə Vatslav Şilyavının komandasına heç də asan başa gəlmədi. Qrupun autsayderi olan qonaqlar çexlərin hücumlarına 75 dəqiqə davam gətirə bildilər. Həmin anda müdafiəçi Nattestad cərimə meydançasında qaydanı pozmaqla penaltiyə səbəbkar oldu. Souçek gözəl şansı qaçırmadı və Çexiya 2-ci yerə yüksəldi.

E qrupu, 8-ci tur
Polşa – Moldova 1:1 (0:1)
Polşa: Şçensnı, Kendzyora (Qrositski, 84), Kiver, Peda, Vşolek (Kaminski, 72), Zyelinski, Frankovski, Dzicek (Sliş, 46), S.Şimanski (Marçvinski, 71), Sviderski, Milik (Buksa, 71).
Moldova: Raylyan, Marandiçi, Kresin, Ryabçuk, Revenko (Platike, 70), Baboqlo, Ratse (Kojokari, 79), Motspan (Platike, 70), Kojokaru (Damaşkan, 60), Nikolaesku (Boqasius, 79), Postolaki.
Qollar: Nikolaesku, 25 (0:1). Sviderski, 53 (1:1).
Vərəqələr: Ryabçuk, 17. Kojokaru, 21. Postolaki, 42. Marandiçi, 45+4. Frankovski, 46. Platike, 82. Raylyan, 85 - sarı.
Hakim: Artur Diaş (Portuqaliya).
15 oktyabr. Varşava. 51672 tamaşaçı.

Çexiya - Farer adaları 1:0 (0:0)
Çexiya: Mandus, Yurasek (Provod, 57), Qoleş, Çernı (Yureçka, 77), Souçek, Linqr (Brabets, 90+1), Sadilek, Kreyçi, Doudera (Masopust, 77), Qlojek, Çvançara (Kuxta, 57).
Farer adaları: Laumhauqe, O.Fere, V.Davidsen, Nattestad, Yonsson (Byartalid, 58), A.Edmundsson, S.Vatnhamar (Yohansen, 84), Hendriksson, Yoensen, Andreasen (K.Olsen, 84), Petersen (Simun Edmundsson, 77).
Qol: Souçek, 76-p.
Vərəqələr: Linqr, 36. Laumhauqe, 40. Çernı, 75. Nattestad, 75. Hendriksson, 82. Masopust, 88. O.Fere, 90+5 - sarı.
Hakim: Rohit Saqqi (Norveç).
15 oktyabr. Plzen. 9115 tamaşaçı.
1. Albaniya 6 4 1 1 11-3 13
2. Çexiya 6 3 2 1 8-5 11
3. Polşa 7 3 1 3 9-9 10
4. Moldova 6 2 3 1 6-6 9
5. Farer adaları 7 0 1 6 2-13 1
17 noyabr: Polşa – Çexiya, Moldova - Albaniya.