Avqustun 24-də Avropa Liqasında (AL) növbəti oyunlar keçirildi. Bununla da turnirin pley-off mərhələsinə start verildi.

"Football-plus.az" xəbər verir ki, bu mərhələ yeganə təmsilçimiz üçün uğurlu alındı.

Çempionlar Liqasının (ÇL) 2-ci təsnifat mərhələsində Polşa çempionu “Rakuv”a uduzan (2:3, 1:1) “Qarabağ” 3-cü təsnifat mərhələsində eyni aqibəti yaşayaraq “Qalatasaray” (Türkiyə) səddini keçə bilməyən (0:3, 0:1) “Olimpiya”ya Sloveniyada 2:0 hesabıyla qalib gəldi. Bu mərhələdə sabiq SSRİ-yə daxil olan üç ölkədən bir o qədər komanda iştirak etdi. “Qarabağ”dan başqa yalnız “Şerif” pley-offa qənaətbəxş nəticə ilə başlaya bildi. “Neftçi”nin sabiq baş məşqçisi Roberto Bordinin çalışdırdığı Moldova çempionu səfərdə “Klaksvik”lə 1:1 hesablı heç-heçəyə nail olmaqla sonuncu təsnifat mərhələsini keçmək üçün şansını artırdı. Lakin “Zarya” qrup mərhələsinə vəsiqə qazanmaq şansını çətinə saldı. Ukrayna çempionatının bürünc mükafatçısı Çexiyada keçirilən matçın son dəqiqələrində buraxdığı iki cavabsız qolla məğlub oldu.

İlk oyunlardan sonra “Ayaks”, “Yunion”, Zaqreb “Dinamo”su, “Aberdin” və “Olimpiakos” da pley-offu adlamaq imkanını artırdı. Mahir Emrelinin formasını geydiyi “Dinamo” ÇL-də mübarizəni dayandırandan sonra “Sparta”nı 3:1 hesabı ilə məğlub etdi. Bu, zaqreblilərin yeni baş məşqçisi Sergey Yakiroviçin debüt sınağı idi. 46 yaşlı mütəxəssis yığmamızın hücumçusuna 65-ci dəqiqədə oynamaq şansı verdi. Bunadək meydan sahibləri əhəmiyyətli üstünlük əldə etmişdilər. Başqa sözlə, Mahir mübarizəyə qoşulandan sonra hesab dəyişmədi.

pley-off, ilk oyunlar

Olimpiya (Sloveniya) – QARABAĞ 0:2
Medina, 32. Andrade, 44.

Klaksvik (Farer adaları) – Şerif (Moldova) 1:1
Da Silva, 52 – Mbekeli, 73.

Slaviya (Çexiya) – Zarya (Ukrayna) 2:0
Ticani, 81. Masopust, 90+4.

Həken (İsveç) – Aberdin (Şotlandiya) 2:2
Layuni, 36. Sadik, 69-p. – Miovski, 75. Devlin, 79.

Dinamo (Xorvatiya) – Sparta (Çexiya) 3:1
Spikiç, 44. Periç, 59. İvanuşeç, 61 – Kreyçi, 39-p.

Ludoqorets (Bolqarıstan) – Ayaks (Niderland) 1:4
Verdon, 69-p. – Kudus, 16; 18; 50. Brobbi, 40.

Slovan (Slovakiya) – Aris (Cənubi Kipr) 2:1
Toliç, 34. Strelets, 57 – Mayambela, 74.

Yunion (Belçika) – Luqano (İsveçrə) 2:0
Ekkert, 8. Terxo, 71.

LASK (Avstriya) – Zrinski (Bosniya və Hersoqovina) 2:1
Sul, 4; 12 – Bilbiya, 71.

Olimpiakos (Yunanıstan) – Çukariçki (Serbiya) 3:1
Əl-Kaabi, 3; 40. Fortunis, 16 – Yankoviç, 90+3.

Cavab oyunları avqustun 31-də keçiriləcək.