“Sevilya”da baş məşqçi problemi yoluna qoyulub.

"Football-plus.az" xəbər verir ki, komandanı bundan sonra Dieqo Alonso çalışdıracaq.

İspaniya klubunun rəsmi saytının məlumatında 48 yaşlı uruqvaylı mütəxəssislə imzalanan müqavilənin müddətinin cari mövsümün sonuna qədər nəzərdə tutulduğu bildirilib. Alonsonun sonuncu iş yeri Uruqvay yığması olub. O, əvvəllər “İnter Mayami” (ABŞ), “Monterrey”, “Paçuka” (hər ikisi Meksika), “Olimpiya”, “Quarani” (hər ikisi Paraqvay) və “Penyarol”a (Uruqvay) başçılıq edib. Alonso oktyabrın 8-də istefaya göndərilən Xose Luis Mendilibarın yerini tutub. Avropa Liqasının son qalibi olan “Sevilya” hazırda La Liqada 8 oyuna 8 xalla 14-cü yeri tutur. Komanda bu mövsüm bütün turnirlərdə keçirdiyi 11 oyunda yalnız 2 qələbə qazanıb.