Bazar ertəsi Xose Roxo Martini (Paçeta) istefaya göndərən “Valyadolid” rəhbərliyi ona xələf tapıb.

"Football-plus.az" xəbər verir ki, baş məşqçi vəzifəsinə Paulo Pezzolano təyin olunub.

İspaniya klubu Martini “Real”a 0:6 hesablı məğlubiyyətindən sonra vəzifəsindən azad etmişdi. “Valyadolid”i 2021-ci ilin iyunundan çalışdıran mütəxəssisin xələfi olan Pezzolano 2022-ci ildən “Kruzeyro”nu çalışdırırdı. Komanda ötən mövsüm onun rəhbərliyi altında Braziliya A seriyasına qayıdıb. Aprelin 25-də 40 yaşı tamam olacaq Pezzolano ilə bağlanan müqavilənin müddəti 2024-cü ilin yayına qədər nəzərdə tutulub. Braziliyalı mütəxəssisin yeni komandası hazırda İspaniya çempionatında 27 oyuna 28 xalla 16-cı yeri tutur.

Yeri gəlmişkən, “Espanyol”un yeni baş məşqçisi də müəyyənləşib. Bu vəzifəyə Luis Qarsiya təyin edilib. O, bazar ertəsi istefaya göndərilən Dieqo Martinesi əvəzləyib. 42 yaşlı mütəxəssislə imzalanan müqavilənin müddəti 2024-cü ilin yayına qədər nəzərdə tutulub. Qeyd edək ki, Qarsiya 2005-11-ci illərdə futbolçu kimi “Espanyol”da oynayıb. Onun köhnə-təzə komandası La Liqada 18-ci yeri tutur.