Gözlənildiyi kimi, Xorxe Sampaoli “Sevilya”nı tərk edib.

"Football-plus.az" xəbər verir ki, İspaniya klubu baş məşqçini istefaya göndərib. Buna səbəb kimi komandanın uğursuz çıxış etməsi göstərilib.

Sampaoli komandaya ötən ilin oktyabr ayında təyin olunmuşdu. “Sevilya” argentinalı mütəxəssisin rəhbərliyi altında keçirdiyi 31 oyunda 13 qələbə qazanıb, 12 dəfə uduzub, 6 matçı isə heç-heçə başa vurub. Komanda hazırda İspaniya çempionatında 26 turdan sonra 28 xalla turnir cədvəlinin 14-cü pilləsini tutur.

Sampaolinin yerinə Xose Luis Mendilibar təyin olunub. 62 yaşlı ispaniyalı məşqçinin sonuncu iş yeri 2021/22 mövsümündə çalışdırdığı “Alaves” olub. Onun “Sevilya” ilə bağladığı müqavilənin müddəti cari mövsümün sonuna qədər nəzərdə tutulub.

RAMİL