Jerom Boatenqin iki ildən sonra Münhenə qayıdacağı haqda yayılan xəbər doğru çıxmayıb.

“Football-plus.az” xəbər verir ki, təcrübəli futbolçu yenidən “Bavariya”da oynaya bilməyəcək.

Almaniya mənbələri tərəflərin müqavilə bağlamağa çox yaxın olduqlarını xəbər vermişdi. 35 yaşlı müdafiəçi Münhen klubunda tibbi müayinədən də keçmişdi. Bu yay “Lion”dan ayrılandan sonra azad agent olan Boatenqin bundesliqanın çempionu ilə müqaviləsinin müddətinin cari mövsümün sonuna qədər nəzərdə tutulduğu da məlum idi. Lakin “Bavariya” rəhbərliyi son anda onunla çüqavilə bağlamamaq qərarını verib. Buna isə futbolçunun məhkəməlik işinin hələ sona çatmaması səbəb olub.

Xatırladaq ki, o, Almaniya klubunda 2011-21-ci illərdə çıxış edib. Jerom ümumilikdə “Bavariya”nın heyətində 363 oyun keçirib, 10 qol vurub və 25 məhsuldar ötürmə edib.