“Bavariya” heyətini yeni futbolçu ilə gücləndirib.

Football-plus.az Almaniya nəhəngi sıralarına məşhur futbolçu cəlb edib.

“Sky Sports”un məlumatına görə, Münhen klubu “Mançester Siti”nin müdafiəçisi Joao Kanselonu mövsümün sonuna qədər icarəyə götürüb. 28 yaşlı futbolçu artıq Münhenə yollanıb. O, dünən tibbi müayinədən keçməli idi. Səhhətində hər hansı problem ortaya çıxmayacağı halda “Bavariya” Joaonun transferini rəsmən açıqlayacaq.

Portuqaliyalı futbolçu MS-də 2019-cu ildən çıxış edir. Kanselo bu mövsüm premyer-liqada keçirdiyi 17 oyunda 2 qol vurub və 1 məhsuldar ötürmə verib.