Jerom Boatenq iki ildən sonra Münhenə qayıdır.

"Football-plus.az" xəbər verir ki, təcrübəli futbolçu yenidən “Bavariya”da oynayacaq.

Almaniya mənbələri tərəflərin müqavilə bağlamağa hazır olduqlarını xəbər verib. 35 yaşlı müdafiəçi artıq Münhen klubunda tibbi müayinədən keçib. Hazırda azad agent olan Boatenqin bundesliqanın çempionu ilə müqaviləsinin müddəti cari mövsümün sonuna qədər nəzərdə tutulub.

Xatırladaq ki, o, Almaniya klubunda 2011-21-ci illərdə çıxış edib. Jerom ümumilikdə “Bavariya”nın heyətində 363 oyun keçirib, 10 qol vurub və 25 məhsuldar ötürmə verib. Boatenqin sonuncu klubu “Lion” olub.