“Bavariya”nın müdafiəçisi Luka Ernandesin PSJ-yə keçidi rəsmiləşib. O, artıq Parisdədi.

“Football-plus.az” xəbər verir ki, insayder Fabritsio Romanonun məlumatına görə, fransalı futbolçu Paris klubu ilə 2 illik müqavilə imzalayıb. Fransa millisinin üzvü ötən mövsüm bütün turnirlərdə 11 oyuna çıxıb, 1 qol vurub və 1 məhsuldar ötürmə verib. O, “Bavariya”da 2019-cu ildən çıxış edirdi.
Almaniya klubu Joao Kanselo və Deyli Blindlə də yolları ayırıb. “Bavariya” Kanselonu qış “transfer pəncərəsi” dövründə “Mançester Siti”dən icarəyə götürmüşdü. Münhen klubu 70 milyon avroluq satın alma variantını aktivləşdirməyib. Nəticədə müdafiəçi MS-yə qayıdıb.

Blind isə “Bavariya”ya yanvarda azad agent kimi gəlmiş və müddəti mövsümün sonuna qədər nəzərdə tutulan müqavilə imzalamışdı. Almaniya nəhəngi onunla da müqaviləni yeniləməyib.