“Bavariya” daha bir futbolçu ilə güclənəcək.
Almaniya nəhəngi “Borussiya”nı (Dortmund) tərk edən müdafiəçi Rafael Gerreyronu rəsmən sıralarına qatacaq.

“Football-plus.az” xəbər verir ki, tanınmış insayder Florian Plettenberq sosial şəbəkə hesablarında yayadığı xəbərdə 29 yaşlı oyunçunun bu gün Münhen klubunda tibbi müayinədən keçəcəyini və səhhətində problem aşkar edilməyəcəyi halda azad agent kimi yeni klubu ilə müqavilə imzalayacağını qeyd edib. Portuqaliyalı futbolçu ilə Münhen klubu arasındakı müqavilə 2025/26 mövsümünün sonuna qədər qüvvədə olacaq.

Qeyd edək ki, Gerreyro son mövsümdə “Borussiya” ilə bütün turnirlərdə 37 oyuna çıxıb, 6 qol vurub və 13 məhsuldar ötürmə edib.