Volkan Dəmirəl ''Hatayspor''da həm diqqət çəkən nəticələr əldə edir, həm də futbolçulara yeni səviyyəyə yüksəlməyə yardım edir.

"Football-plus.az" xəbər verir ki, onun son kəşflərindən biri olan Fisayo Dele-Başiru artıq Nigeriya yığmasına dəvət alıb! Hucumameyilli yarımmüdafiəçi olan 22 yaşlı Dele-Başiru ''Mançester Siti''nin yetirməsidi. 4 il ''şəhərlilər''in akademiyasında top qovduqdan sonra 2020-dən bu yana İngiltərənin 1-ci liqası, yəni 3-cü divizionunda çıxış edən ''Şeffild Uensdey''in şərəfini qoruyurdu. Bu yay Volkan Dəmirəlin dəvəti ilə ''Hatayspor''a transfer olundu. Bu klubda cəmi 7 tura ortaya qoyduğu performans ilə bu günlərdə ilk dəfə Nigeriya yığmasına dəvət aldı. İlk turda ''Pendikspor''la qarşılaşmada dubl edən futbolçu debüt oyunundaca 2 qol vurdu. Daha sonra ''Trabzonspor'' və ''Adana Dəmirspor''un da qapısına yol tapan Dele-Başiru 7 oyunda 4 qol, 1 məhsuldar ötürməlik performans sərgiləyib. Halbuki o, ''Şeffild Uensdey''də keçirdiyi 3 mövsüm ərzində 86 rəsmi oyuna yalnız 6 qol vurmuşdu.