Zəlzələdən sonra Türkiyə çempionatında çıxışını dayandıran, amma Türkiyə Futbol Federasiyasının qərarı ilə superliqada yerini qoruyan ''Hatayspor'' yeni mövsümə hazırlaşır.

"Football-plus.az" xəbər verir ki, Hatay təmsilçisi heyətini gücləndirməklə məşğuldu.

Baş məşqçi Volkan Dəmirəl klubun yeni transferinin adını rəsmən açıqlayıb. O, isveçli forvard Karlos Strannberq ilə şəklini paylaşaraq ''ailəmizə xoş gəldin'' ifadəsini yazıb. Daha öncə ''Hakken'', ÇSKA, AİK, ''Vesterlo'', ''Malmö'', ''Erebru''da forma geymiş Strannberq 2019-dan Ərəb ölkələrində çıxış edirdi.

2019-22-ci illərdə Səudiyyə Ərəbistanı təmsilçiləri ''Əl-Həzem'' və ''Abha''da forma geyən hücumçu son mövsümü Qətər təmsilçisi ''Əl-Sailiya''da keçirmiş və 26 oyunda 15 qol, 3 məhsuldar ötürmə ilə fərqlənmişdi.