İspaniyalı tennisçi Karlos Alkaras bildirib ki, dünya reytinqində 1-ci yer uğrunda serb Novak Cokoviçlə mübarizə aparmaq niyyətindədi:

“Dəfələrlə dediyim kimi, bizi dünyanın 10ci raketkası olmaq uğrunda Cokoviçlə həqiqətən gözəl mübarizə gözləyir. Mən Pekinə əlavə motivasiya ilə gəlmişəm. Hər məşqdə, hər turnirdə yalnız qələbə haqda düşünürəm. Odu ki, reytinqdə 1-ci yer ilin sonuna qədər əsas hədəflərimdən biridi”.

Alkaras Pekinə ATP 500 turnirinə qatılmaq üçün yollanıb. Bu isə onun üçün “US Open”dən sonra ilk yarışdı.

Hazırda dünya reytinqinin zirvəsində qərarlaşan Cokoviçun 11795 xalı var. Alkaras 8535 xalla ikinci, Daniil Medvedev isə 7280 xalla üçüncüdü.