Belqradda keçirilən ATP seriyalı, 534 min 555 avro mükafat fonduna malik “Serbia Open” turnirinə yekun vurulub.

Həlledici görüşdə dünya tennisinin 1 nömrəsi Novak Cokoviç rusiyalı Andrey Rublevə uduzub – 2:6, 7:6 (7:4), 0:6. Bu, 24 yaşlı rusiyalı üçün ATP turnirlərindəki 14-cü (11-i təklərin yarışında) qələbədi. Onun karyerasında ilk dəfə Cokoviçi məğlub etdiyini də xatırladaq.

Bu arada ATP və WTA kişi və qadın tennisçilərin yenilənmiş reytinqini açıqlayıb. Serb Cokoviç hələ də liderliyi qoruyur. Kişilərin reytinqində ilk “10-luq”da bir dəyişiklik baş verib. Əvvəlki reytinqdə 11-ci pillədə qərarlaşan Karlos Alkaras Barselona turnirində qələbə sayəsində 9-cu yerə yüksəlib.