Dünyanın 2-ci raketkası Karlos Alkaras hansı oyun komponentlərini yaxşılaşdırmalı olmasıyla bağlı danışıb:

“Düşünürəm ki, oyun, fiziki forma və mentallıq baxımından hər şeyi yaxşılaşdıra bilərəm. Komandam daha yaxşı oynamağım yolunda daim kiçik addımlar atır. Nadal, Federer və Cokoviç hələ gənc yaşlarından yaxşı oynayırdılar, zaman keçdikcə isə əla oynamağa başladılar. Mükəmməlləşməyə ehtiyac duyduğuma əminəm. Obrazlı şəkildə desəm, arzuya çatmağım məni çox tez pis vəziyyətə saldı. İndi artıq bu həddə öyrəşmişəm, yeni hədəfim var, hara qədər irəliləmək, kim olmaq istədiyimi bilirəm - ən vacib olan budu”.

Xatırladaq ki, 19 yaşlı ispaniyalı 20 həftə dünyanın 1-ci tennisçisi statusunu daşıyıb. O, tennis tarixinə kişilər arasında ATP reytinqində ən gənc lider kimi düşüb.