“Artıq “Murov”la ikincu mövsümümə başlayıram. Ötən “voleybol ili” bizim üçün uğurlu keçdi. Bu il də komandamız güclənib. Artıq ölkəmizin kişi voleybolu dünyaya səs salıb. Çünki italiyalı, fransalı və türkiyəli mütəxəssislər Azərbayacana dəvət olundu. “Xarı Bülbül Şuşa” və “Xarı Bülbül Laçın” kimi iddialı kollektivlərimiz var. Bu mövsüm liqamız çox maraqlı keçəcək”.

“Səudiyyə Ərəbistanı, BƏƏ və Qazaxıstandan yaxşı təkliflərim var idi. Bildiyiniz kimi, daha əvvəl Səudiyyə Ərəbistanının “Əl-Nəssr” klubunda da çıxış etmişəm. Qazaxıstanda isə “Taraz”da oynadım. Əslində Qazaxıstanda işlərim yaxşı gedirdi. Lakin havanın soyuq olması və çempionatın ağırlığı yenidən bu liqada çıxış etməyimə mane oldu. Çünki Səudiyyə Ərəbistanında forma geyindiyim dönəmdə dizimdən əməliyyat olunmuşdum və sıx qrafikdə oynamaq mənə çətinlik yaradırdı. Qazaxıstanda da oyunlar tez-tez olurdu. Ona görə də qonşu dövlət variantını saxladım. Uzun müddət vətəndən uzaq qalmaq mənə darıxıdırıcı gəldi. Bu səbəbdən “Murov”da qalmağı seçdim. İnşallah, gələn mövsüm 100 faiz xaricdə çıxış edəcəm”.