Montella Kərəm Aktürkoğlunun son durumu barədə nə dedi? - ''Riskə getməyəcəm''
Kərəm Aktürkoğlunun bir neçə gün öncə Türkiyə yığmasının məşqində zədələndiyini xəbər vermişdik.
''Fənərbaxça''nın və yığmanın ulduzu məşqi böyük acılar içində tərk edərək hər kəsi qorxutmuşdu. Amma bu zədə onun dünya çempionatında iştirakına mane olmayacaq.
Bu arada ''ay-ulduzlular''ın baş məşqçisi Vinçentso Montella 27 yaşlı futbolçu ilə bağlı yeni açıqlamalar verib. İtaliyalı mütəxəssis fanatları ümidləndirərək bunları deyib:
''Kərəm Aktürkoğlu bizim üçün çox önəmli futbolçudu. Həm özü pressinq edir, həm də bütün komandanı pressinqə yönləndirir. Üstəlik məhsuldar futbolçudu. Mundialı Kərəmsiz keçirmək ağlımın ucundan da keçmir. Zədə aldığı gün hamımız çox qorxduq. Çox şükürlər olsun ki, durumu ciddi deyil. Artıq qaçmağa da başlayıb. Ona dedim ki, riskə getmə və tələsmə. O bizim üçün dünya çempionatında daha lazımlı olacaq. Geri dönüşünü yavaş-yavas həyata keçiririk. Qətiyyən riskə getməyəcəm. İyunun 1-dəki yoxlama oyununda Kərəm oynamayacaq. 6-dakı matçda ola bilər ki, ikinci hissədə meydana buraxım. Kərəm bu komandanın önəmli bir parçasıdı və dediyim kimi riskə getməyə ehtiyac görmürəm''.
Digər xəbərlər
