''Beşiktaş'' Türkiyə çempionatında ''Kayserispor''la oyundan öncə əsas futbolcularından biri olan Jedson Fernandeşi itirib.

"Football-plus.az" xəbər verir ki, portuqaliyalı yarımmüdafiəçi Konfrans Liqasında səfərdə ''Brügge'' ilə oyunda bir epizodda çiyni üstünə yıxılaraq xəsarət almışdı. Düzdü, o, həmin matçı sona qədər əvəzlənmədən keçirmişdi. Amma çiynindəki ağrıları artan Fernandeş müayinə olunub. Klubun həkimləri baş məşqçi Şenol Günəşə riskə getməməyi məsləhət görüblər. Ona görə də Fernandeş bu günkü ''Kayserispor''a qarşı oyunu buraxacaq. ''Beşiktaş'' üzrə müxbir Sərdar Sarıdağın məlumatına görə isə futbolçu ən azı 2-3 həftəliyə sıradan çıxıb. Daha öncə Türkiyədə ''Qalatasaray'' və ''Çaykur Rizəspor''un da şərəfini qorumuş 24 yaşlı futbolçu indiyə qədər ''Qartal''ın heyətində 47 rəsmi oyunda 4 qol, 9 məhsuldar ötürməlik performans sərgiləyib.

ƏLİ