Jedson Fernandeşin bu yay ''Beşiktaş''dan ayrılmaq ehtimalı yaranıb.

"Football-plus.az" xəbər verir ki, belə ki, portuqaliyalı yarımmüdafiəçiyə İtaliya klubları ciddi maraq göstərir. Baş məşqçi Şenol Günəş rəhbərlikdən 24 yaşlı futbolçunun daha 1 il komandada qalmasını tələb edib. Ancaq rəhbərlik hər ehtimala qarşı futbolçunun dəyərini müəyyənləşdirib. İstanbul nəhəngi Fernandeşə görə ən azı 35 milyon avro tələb edəcək. Özü də istedadlı futbolçu satılacağı təqdirdə əldə olunacaq məbləğin 50 faizi ''Benfika''ya çatacaq. 2021/22-nin qış fasiləsində Fernandeş Portuqaliyadan Türkiyəyə gələrkən 2 klub arasında məhz bu cür anlaşma əldə olunmuşdu.

Geridə qoyduğumuz mövsümdə Fernandeş xüsusilə son matçlarda öz oyunu və qolları ilə diqqət çəkmişdi. Ümumilikdə bu futbolçu 2022/23-də 36 rəsmi oyunda 3 qol, 7 məhsuldar ötürməlik performans sərgilədi.