''Beşiktaş''ın stadionu üçün sponsor məsələsində yeni xəbərlər var.

Məlum olduğu kimi İstanbul nəhənginin ''Vodafon'' şirkəti ilə müqaviləsinin müddəti başa çatdığından rəhbərlik neçə vaxtdı, stadion üçün yeni sponsor axtarışındadı.

''Habertürk''ün iddiasına görə ''ağ-qaralar'' ''Tüpraş'' neft şirkəti ilə anlaşma əldə ediblər. Tərəflər arasında üçillik müqavilə imzalanacağı, ''Beşiktaş''ın illik 7,5 milyon avro qazanacağı, arenanın isə ''Tüpraş Stadionu'' adlanacağı gözlənilir. ''Koç Holdinq'' tərəfindən idarə olunan ''Tüpraş''a Türkiyədə neft emal ədən 4 zavod məxsusdu. Bu zavodlarda il ərzində ümumilikdə 30 milyon ton neft emal olunur. ''Beşiktaş'' daha öncə ''Qazprom'' və ''Emireyts'' kimi nəhəng şirkətlərlə danışıqlar aparsa da, müxtəlif səbəblər üzündən anlaşma əldə etmək mümkün olmamışdı.

Onu da bildirək ki, ''Koç Holdinq''ə məxsus digər bir şirkət - ''Beko'' da daha öncə uzun illər ''Beşiktaş''ın sponsoru olub.

ƏLİ