“Beşiktaş”a sponsorluq etmək istəyən Rusiya şirkəti “Qazprom”du.

"Football-plus.az" xəbər verir ki, dünyanın ən böyük enerji şirkətlərindən olan təbii qaz nəhəngi “Qazprom” istanbullulara “3+2” illik sponsorluq təklifi irəli sürüb.

Şayiələrə inansaq, ruslar illik 20 milyon avro təklif edirlər. Yəni “Beşiktaş” bu anlaşmadan 100 milyon avro qazana bilər! Qeyd edək ki, uzun illər UEFA ilə əməkdaşlıq edən və Çempionlar Liqasının baş sponsoru olan “Qazprom” Almaniya təmsilçisi “Şalke-04”ü də maliyyələşdirirdi. Amma Rusiyanın Ukraynaya hərbi müdaxiləsindən sonra Serbiya təmsilçisi “Srvena Zvezda” istisna olmaqla “Qazprom” Avropada bütün tərəfdaşlarını itirdi. Göründüyü kimi, şirkət bu dəfə Avropaya Türkiyə vasitəsi ilə qayıtmaq istəyir.