Ötən sayımızda “Trabzonspor”un ev oyunlarını keçirdiyi stadion üçün tarixi sponsorluq anlaşmasına yaxın olduğunu xəbər vermişdik.

"Football-plus.az" xəbər verir ki, bu fakt artıq rəsmi təsdiqini tapıb. Trabzon təmsilçisi yeni anlaşmanın detallarını açıqlayıb. Belə ki, “Papara” şirkəti ilə beşillik müqavilə imzalanıb. Qaradənizlilər bu anlaşmadan 5 il ərzində 1 milyard 416 milyon lirə, yəni təxminən 47,7 milyon avro qazanacaq! 2017-22-ci illərdə “Medikal Park” adlanan, ötən ildən bəri sponsorsuz olan stadion qarşıdakı 5 ildə “Papapra Park” adlanacaq. Diqqəti çəkən məqam odu ki, “Trabzonspor” bu anlaşma ilə hətta İstanbul nəhənglərini də geridə qoyub. Müqayisə üçün deyək ki, “bordo-mavililər”in bu anlaşmadan illik gəliri 284 milyon lirə olacağı təqdirdə, “Fənərbaxça” stadion sponsoru “Ülkər”dən illik 245 milyon lirə, “Qalatasaray” yeni stadion sponsoru “Rams Qlobal”dan illik 213 milyon lirə qazanır. “Beşiktaş” isə hələ də stadion üçün sponsor tapa bilməyib. “Trabzonspor” tarixinin ən böyük sponsorluq anlaşmasına həsr olunan rəsmi tədbirin gələn həftə stadionda keçiriləcəyi gözlənilir. Onu da bildirək ki, “Papara” maliyyə və texnologiya şirkətidi. “Master Kard” ilə əlaqəli işləyən “Papara kart” vasitəsilə insanlar internet üzərindən rahat şəkildə alış-veriş etmək, eləcə də müxtəlif valyutaları alıb-satmaq imkanına malikdi. 2016-cı ildə qurulan “Papara”nın Türkiyədə 9 milyona yaxın istifadəçisi var. Bununla da başqan Ərtuğrul Doğan əsas vədlərindən birini yerinə yetirmiş oldu. O, prezident seçilərkən stadion sponsorluğu üçün klub tarixinin ən önəmli anlaşmasına imza atacağına söz vermişdi.