“Vodafon” şirkəti ilə 10 illik anlaşması başa çatan “Beşiktaş” yeni sponsor axtarışını davam etdirir.

Qeyd edək ki, İstanbul nəhənginin Rusiyanın və dünyanın ən böyük neft-qaz şirkəti olan “Qazprom”la anlaşacağı gözlənilirdi. Əslində tərəflər “3+2” illik şifahi razılıq əldə etmişdilər. 3 il ərzində “Beşiktaş”ın stadionu “Qazprom Arena” adlanmalı və bunun qarşılığında İstanbul nəhəngi illik 20 milyon avro qazanmalı idi. Amma həm Rusiyada dövlət çevrilişinə cəhd, həm də FİFA ilə UEFA-nın bu anlaşmanı dəstəkləməməsi üzündən “Qartal” planlarını dəyişməli və ruslarla işbirliyindən vaz keçməli oldu. Böyük ehtimalla “Beşiktaş”ın yeni sponsoru Səudiyyə Ərəbistanının məşhur hava yolları şirkəti “Emireyts” olacaq.

"Football-plus.az" xəbər verir ki, tərəflər 3 illik ilkin anlaşma əldə ediblər. Amma bu dəfə məbləğin çox aşağı olması diqqəti çəkir.

“Qazprom” “ağ-qaralar”a birillik 20 milyon avro təklif edirdisə, Türkiyə mətbuatının yazdığına inansaq, komanda ərəblərlə 3 illik anlaşmadan ümumilikdə cəmi 27,75 milyon avro qazanacaq. Yəni illik gəlir 9,25 milyon avro təşkil edəcək. Amma rəhbərlik “Emireyts” ilə tək stadion yox, forma sponsorluğu ilə bağlı da üçillik müqavilə imzalamaq üzrədi. Formanın üzərində bu şirkətin adı yazılacaq. Bunun qarşılığında “Beşiktaş” 3 ilə 5 milyon avro qazanacaq. Amma burda bir mühüm şərt var. Müqavilə yalnız “Beşiktaş”ın avrokuboklarda oynadığı illər üçün keçərli olacaq. Hər iki anlaşmanın yaxın günlərdə açıqlanacağı gözlənilir.