Xəbər verdiyimiz kimi, dəhşətli zəlzələdən sonra özünə gəlməyə çalışan Türkiyəyə yardım etmək istəyən İspaniya nəhəngi “Atletiko” çərşənbə günü Türkiyəyə gələrək “Beşiktaş”la xeyriyyə matçı keçirdi.

“Football-plus.az” xəbər verir ki, oyundan əldə olunan gəlirin hamısı zəlzələdən zərər görən insanlar üçün yaradılmış fonda köçürüldü. “Vodafon Park”da baş tutan və “Türkiyə üçün birlikdə” şüarı ilə keçirilən dostluq matçına, gözlənildiyi kimi, komandalar heç də ideal heyətlə çıxmamışdı. Amma yaxşı formada olan və son həftələrdə superliqada rəqib tanımayan “Beşiktaş” bu görüşdə də gücünü gösətərərək 2 cavabsız qolla qalib gəldi. “Qartal” ilk yarının ortalarında Fernandeşin qolu ilə hesabda önə keçdi. İlk hissədə qonaqların yaratdığı ən təhlükəli hücum zamanı Vitselin baş zərbəsindən sonra top dirəkdən döndü. Dieqo Simeonenin 65-ci dəqiqədə birdən-birə 10 sahə oyunçusunu əvəzləməsi diqqəti çəkdi. Qrizmann, Morata, Karrasko, Koke kimi ulduzlar meydana çıxsa da, qonaqlar məğlubiyyətdən qurtula bilmədilər. Bu azmış kimi, son dəqiqələrdə N”Kudu “Beşiktaş”ın 2-ci qolunu vuraraq yekun nəticəni müəyyənləşdirdi. Oyunu tribunadan Türkiyənin gənclər və idman naziri, eləcə də bir sıra superliqa klublarının prezidentləri izlədi. Türkiyə mətbuatının yazdığına inansaq, oyuna 29 min bilet satıldı və ümumilikdə 10 milyon lirəyə (təxminən 469 min avroya) yaxın gəlir əldə olundu.

Yeri gəlmişkən, “Beşiktaş”la bağlı bir xəbəri də diqqətinizə çatdıraq. Bilindiyi kimi “Vodafon” şirkəti 2013-cü ildən etibarən İstanbul nəhənginin baş sponsorudu. Komandanın 2016-da istifadəyə verilən və ev oyunlarını keçirdiyi stadion da “Vodafon Park” adlanır. Amma bu şirkətlə 10 illik anlaşma yayda başa çatacaq. Bu üzdən “ağ-qaralar” yeni sponsor axtarışını davam etdirirlər. Prezident Ahmet Nur Çəbi bu mövzuda jurnalistlərə son durumla bağlı məlumat verib. Onun sözlərindən belə məlum olub ki, 4 ölkə - Rusiya, Koreya, Qazaxıstan və İngiltərə şirkətlərindən təklif gəlib. Çəbi bunları deyib: