Dünən İsveçrənin Lozanna şəhəri maraqlı bir oyuna ev sahibliyi etdi.

“Football-plus.az” xəbər verir ki, bilindiyi kimi AÇ-2008-də Türkiyənin uğurlu oyunlar seriyası İsveçrəyə qarşı matçla başlamışdı. ''Ay-ulduzlular'' Bazeldəki yağışlı gündə Arda Turanın son saniyələrdəki qolu ilə 2:1-lik qələbə qazanmışdı. 15 ildən sonra bu komandalar xeyriyyə məqsədilə demək olar, həmin həyətlərlə yenə üz-üzə gəldilər. Oyundan əldə olunan gəlir fevralda Türkiyədə baş vermiş dəhşətli zəlzələdən əziyyət çəkmiş insanlara, eləcə də bazası yerlə-yeksan olan superliqa təmsilçisi ''Hatayspor''a ötürüləcək. Qeyd edək ki, Türkiyənin AÇ-2008-də iştirak ərizəsində olan 23 futbolçudan 17-si bu dəfə də heyətdə idi. Onların arasında Volkan Dəmirəl, Sərvət Çətin, Əmrə Belözoğlu, Nihat Kahveci, Tuncay Şanlı, Semih Şəntürk, Arda Turan, Tümər Mətin kimi tanınmış simalar var idi. Komandanı meydana yenə də Fatih Terim çıxarmışdı. Görüş 2:2-lik bərabərliklə yekunlaşdı. Türkiyənin qollarını Semih Şəntürk ilə Volkan Dəmirəl vurdu. Volkanı həmişə qapıda görməyə alışsaq da, bu dəfəki şou xarakterli oyunda o, bir müddət hücumçu kimi oynadı. Qolu isə penaltidən vurdu. Fatih Terimin sözlərinə görə tərəflər arasında qışda bu dəfə Türkiyədə eyni oyunun keçirilməsi ilə bağlı razılıq əldə olunub.

Əli