Ştefan Kunts Ermənistanla oyundan sonra düzgün təhlillər etdi. Qələbəyə baxmayaraq, oyunu bəyənmədiyini dedi. Oyunumuzu bir qədər də yaxşılaşdırmalıyıq. AÇ-2008-də Xorvatiyaya qarşı oyunu şərh edən Yalçın Çətini sonradan görəndə ona “mənim adımı bu qədər dalbadal söyləmək necə ağlına gəldi” sualını verdim. O da məndən həmin qolu necə vurduğumu soruşdu. Mən də “heç özüm də bilmirəm” cavabını verdim. Həmin qolda Əmrə Aşıkın da böyük rolu oldu. Əslində VAR olsaydı, o qol qeydə alınmazdı (gülür). Çünki Rüştü Rəcbər topu irəli vurandan sonra Əmrə Aşık əməlli-başlı rəqib oyunçuların üzərinə tullandı. Sanki bir supermen kimi irəli atıldı. Həmin an hiss etdim ki, top mən tərəfə gələcək. Top önümə düşən kimi Allah nə qüvvət veribsə, vurdum! Açığı, məndən topun həmin istiqamətə, yəni “doqquzluğ”a bilərəkdən vurub-vurmadığımı soruşsaz, sizə səmimi şəkildə etiraf edərəm ki, bilərəkdən vurmadım. Təvazökarlıq kimi görünsə də, həqiqətən belədi. Türkiyə futbol tarixində unudulmazlar sırasında olan cəmi 2-3 qol var. Belə qollardan birinin müəllifi olduğum üçün özümlə fəxr edirəm. İlhan Mansızın DÇ-2002-də Seneqala, Səlcuk İnanın cərimə zərbəsindən İslandiyaya vurduğu qol da onların arasındadı. Bunlar insanları sevincdən küçələrə çıxmağa vadar edən qollardı. Həqiqətən də AÇ-2008-də çox özəl heyətimiz və özəl oyunçularımız var idi. Komandanın orta yaş həddi 30-35 idi. Fatih Terimin bizi motivasiyalandırmasının da öz yeri var idi. İndiki komandamız gəncdi. Bu nəsil də gələcəkdə özünü göstərə bilər. Hazırda “Fənər”in U-16 komandasını çalışdırıram. “Altyapı”da çox istedadlı oyunçularımız var. Ən son Bora Aydınlık “Zenit”ə gözəl qol vurdu. Yeganə istəyim odu ki, bu gənclərə özlərini gösətərə bilmək üçün şans verilsin. Arda Gülərlə 6 ay birlikdə çalışmaq fürsətim oldu. İnanılmaz istedada malik olduğunu ilk gündən hiss etdim. Məndən sonra “Fənər”in “altyapı”sından əsas komandaya qədər yüksələn futbolçu olmayıb. Bu baxımdan da Ardaya böyük ümidlər var. Valideynlərini də tanıyıram. Çox yaxşı tərbiyə almış və səmimi insanlarla əhatə olunmuş bir oyunçudu. Pul onu heç vaxt dəyişməz. Fiziki cəhətdən bir qədər üzərində işləsə, Avropanın böyük klublarından birində oynayacaq”.